首次破天荒與吳鎮宇合作音樂劇 袁富華：真係一種緣份
撰文：吳子生
出版：更新：
袁富華（Ben)今日（18/5）出席在荃灣舉行的百老匯愛情音樂喜劇《First Date》記者會。Ben表示今次音樂劇同以往舞台劇有好大分別：「因為要唱歌，仲要邊唱邊郁，咁所以身體用氣方面，都要適應一下，因為自己唔係一個長時間唱歌嘅人，咁所以聲帶方面要練返，一有時間都會踩單車鍛練體能。」
袁富華今日現身百老匯愛情音樂喜劇《First Date》記者會。（葉志明攝）
另外Ben透露今次音樂劇，首次與吳鎮宇合作心情興奮：「唔好話音樂劇，甚至舞台劇，從來都未試過同鎮宇一齊合作做嘢，當年鎮宇以前做舞台劇嘅時候，真係未必咁容易合作得到，真係一種緣份，第一次做就做音樂劇。」
今次音樂劇雖要載歌載舞，Ben表示體能方面完全沒有問題。（葉志明攝）
袁富華首次與吳鎮宇合作音樂劇，心情興奮。（葉志明攝）