90年代花旦回巢無綫 拍新劇《大醬園》:好多人以為我係亞視出身

撰文:鄺鈺瑩
出版:更新:
顏仟汶於《大醬園》中飾演風月場所嘅龜婆。(fb圖片)

無綫花旦買少見少,尤其係一線嗰批,唔係結婚生仔,就係拍到殘拍到怕,再係咁落去都唔係辦法。喺新劇《大醬園》中,除有朱晨麗、龔嘉欣同江嘉敏之外,亦赫然發現曾經拍過唔少三級電影、現年48歲嘅顏仟汶,有指佢今次係以特約演員身份入劇。

顏仟汶近年除登台之外,亦參與唔少內地網劇。(fb圖片)

顏仟汶接受《香港01》訪問時,透露今次係《大》導演搵佢回巢,之所以話係回巢,全因為顏仟汶89時曾報讀無綫藝員訓練班,未畢業就已經有綜藝節目同劇集拍,爆騷無難度,但亦都因為咁捱出肝炎,要瞓院一個月。「好多人都以為我係亞視出身,其實我係無綫出身,差不多有5年時間,今次返去可以話係情義結,同埋自己仲有戲癮,不過亦都咁講啦,而家要入TVB,都要做啲散job先,如果啱先可以繼續合作。」顏仟汶口中所指的散job,其實係指節目《女人四十》、新劇《致所有愛過的人》的宣傳片。

顏仟汶話自己其實只係喺亞視得10個月時間。(fb圖片)

問到今次「回巢」薪酬,顏仟汶就笑言ok,並表示:「特約演員個價都唔會好,同埋唔可以用大台同出面啲價去比。但自己又無咩所謂,因為喺外面打滾咗咁多年,發現原來都係鍾意拍劇。」顏仟汶透露她暫時只為《大》開了幾日工,並與康華最多對手戲,問到劇中角色時,她即時大笑表示:「我係做風月場所嘅龜婆,都幾好玩。」她又表示之前睇《宮心計》、《鐵探》等劇集時,都會幻想自己係其中一角,不過顏千汶其實相當有演出經驗,尤其90年代拍過不少Cult片,大家可以點擊以下圖輯重温一下這位cult片王后的演出。
 

點擊重温十套顏千汶cult片作品

+5
+2