傳高海寧明年歐洲秘婚　與音樂人鄧智偉拍拖5年勁低調

高海寧（高Ling）主演嘅新劇《婚姻合伙人》廣受好評，此劇係高Ling入行11年嘅首次擔正作品，唔少觀眾都讚佢喺劇中演出自然。高Ling憑劇人氣急升，其感情事亦都備受關注，今年32歲嘅高Ling與年長11年、華橫溢嘅音樂人鄧智偉緋聞傳足5年多，雖然雙方一直未有正面承認，但就不時被影到前後腳出席朋友假局，甚至有指二人早已共賦同居。

對於感情狀況，高Ling近日就以「好開心」形容，對於鄧智偉，佢就以「friend過夾band」形容，呢種默認方式，低調又sweet。日前有報道指高海寧與鄧智偉計劃明年飛到歐洲秘婚，早前佢同李佳芯到巴塞隆拿旅行，其實係順道物色行禮環境。對於婚訊，雖然高Ling表示「得啖笑」，但其實近年唔少藝人都係先婚後公開，再加上高Ling對戀情向來十分低調，而佢之前亦曾表示「到結婚才公布戀情」所以秘婚機會其實都幾高。