郭富城大爆自己一日一個菠蘿包 每日只食一餐半

撰文:李婉文
出版:更新:

郭富城(Aaron)周四(30日)出席環保活動,跟一班嘉賓支持「無膠日」,為環保盡力。Aaron在台上大爆自己的飲食習慣,原來他每日都會食一個菠蘿包。之後他接受訪問時說︰「其實係我早餐嚟㗎,都好多年㗎喇,但當我今日出席『無膠日』,又聽到Deanie(葉德嫻)講生活,平時起身朝早做咩嘅時候,我就發覺,原來我平時一日一個菠蘿包,一個膠袋,咁我發覺咁都好唔環保。」所以他都會叫家中的工人姐姐用食物盒裝,又環保又乾淨又衛生。

Aaron又話去咖啡店買咖啡都可以自己器皿,又可以保溫,又環保,一舉兩得。(陳順祺攝)

對於一日一菠蘿包這個習慣,都令人好奇怎麼Aaron會吃不胖,因為菠蘿包的卡路里也不低,他就自爆原來他一天只吃一餐半!他說︰「我有做運動,同埋我一日唔係食好多餐,一個菠蘿包都當係中午嗰餐,第二餐就夜晚,再等到夜晚先食,咁其實我一日基本都係食一餐半,菠蘿包應該都唔算係一個餐。」Aaron又指自己最愛是菠蘿包或雞尾包配一杯咖啡做早餐,原來天王的飲食習慣都好貼地呢!

周潤發與Aaron以《無雙》同時入圍第25屆華鼎獎最佳男主角,Aaron就話自己平常心,有入圍已經是肯定。(陳順祺攝)

Aaron在4月再做爸爸,太太方媛再誕下B女「二寶」,Aaron話大女Chantelle有時會有點呷妹妹醋,「有時我哋抱二寶嘅時候,大寶就會有少少呷醋,會扭計囉,會想你又抱佢。得意嘅,其實我都要學習,但係幸福嘅,係開心嘅。」Aaron感嘆最重要是小朋友健健康康地成長,她們快樂,他就快樂。

點擊下圖觀看更多圖片︰

+2