【白色強人】李佳芯意外傷手 見血即休克：我勁怕血
撰文：吳子生
出版：更新：
李佳芯（Ali)昨晚（3/6）出席在九龍灣國際展貿中心舉行的無綫劇集《白色強人》首映會造勢活動。Ali表示：「今次出席呢次嘅首映會，可以喺咁大嘅銀幕見到自己嘅演出，機會唔會係咁多，我覺得自己拍完呢套劇，當正自己有份做過醫生，因為感受太過深啦。」
李佳芯拍攝完劇集《白色強人》後，對醫生職責加深了解很多。（陳順禎攝）
Ali透露年幼時未曾想過當醫生，因為自小見血都會暈：「因為我勁怕血，試過細個嘅時候整沙津，切生果時，唔小心切親手指，手指即時流血，個陣時我即時休克咗，其實如果宜家俾我再次發生同一件事，我見到都一樣會休克，哈哈！」
李佳芯、郭晉安兩位主角，昨晚盛裝為《白色強人》首播會造勢。（陳順禎攝）