黎諾懿普通話水平無人能及 揚言自己站在巔峰太孤獨

撰文:賴家杰
出版:更新:

無綫綜藝節目《如果這樣生活》在本月3號首播,首集是黎諾懿擔任主持到雲南介紹這地方。首集播出後反應十分良好,不過焦點卻不是諾懿介紹雲南,而是諾懿說的普通話。今天他出席TVB的活動時候說到很不好意思:「其實我一早已經知出事,監製當初同我講會出我兩集已經知大件事。我以為一人一集,咁我講普通話都唔係好覺眼,但點知出兩集就加埋40分鐘會好覺眼。我預先都同大家講當韓劇咁睇,係會有字幕,其實TVB多咗一個韓星,希望大家唔好咁著重我講普通話身上。」

今天(6日)黎諾懿出席TVB的「6月星辰」活動。(梁碧玲攝)

諾懿更借著與《香港01》這個訪問機會呼籲一件事情:「所有小朋友唔好學我呢個反面教材,小時候要畀心機讀書,唔好好似哥哥我咁樣講得唔好,語言好緊要,尤其是我個仔唔好學爸爸。」諾懿直言就算想教兒子說普通話但老婆也不會批准,所以他想到一個兩全其美的方法:「我嘅英文同普通話都唔好,所以我打算同囝仔一齊去啲教學親子班,咁呢啲班一定要家長係身邊陪伴,咁我可以扮晒嘢陪佢,而我係身邊學,畀一個人錢兩個人學咁幾好呀。」

諾懿表示今年生日願望除了身體健康之外,更希望今年努力能再追多一個女兒。(梁碧玲攝)

另外除了諾懿的普通話站在巔峰,他的好兄弟鄭伊健水平外界一致認為是跟他差不多,但諾懿否認這一點,立刻幫伊健澄清:「我最近嗰節目有同佢用普通話做訪問,咁大家都好期待雙雄一齊做普通話訪問會係點呢?但原來唔係,佢一直幫我翻譯,連『嘉賓』佢都識講,Ok呀佢講得。反而話以前陳豪佢好猛料,講得非常唔好,但依家話係我拋離咗佢幾條街。但呢件唔係值得光榮一件事,所以陳豪唔好再學普通話啦,同我拉返少少近距離,自己一個站係巔峰好孤獨。」

諾懿希望身邊朋友的孩子不要稱呼他做叔叔,而是叫哥哥,因為叫哥哥感覺上與兒子的距離沒有那麼遠。(梁碧玲攝)