【退休女皇】姜濤劇中成日頂撞景黛音:現實中我一早畀阿媽摑死

撰文:賴家杰
出版:更新:

ViuTV全新劇集《退休女皇》今天(10日)舉行記者發布會,男主角方面ViuTV找來迷倒萬千少女的姜濤飾演。第一次拍劇擔任男主角,他謙稱自己是「第二男主角」:「開始拍嘅時候好緊張,因為同前輩合作,亦都係我出道後第一次演戲,有各種擔心。不過好好彩拍攝順利。不足地方一定有,但景黛音小姐佢同我講用最自然方法拍戲就好。」

姜濤在《退休女皇》中的角色名字是姜太民,這名字是由景黛音親自改的,因為他喜歡的韓國藝人名字叫李泰民。(梁碧玲攝)

姜濤表示角色方面十分囂張和驕傲,感覺給人內斂和害羞的他直言與自己性格不太相似:「其實都幾難演,所以我好努力咁搵我同呢個角色嘅一個共通點。我劇裡面仲要成日頂撞景黛音小姐,如果係現實中我一早畀阿媽一巴摑死咗。」

 

姜濤覺得作為一名專業藝人,在拍戲過程要快速投入,因為這樣才顯得是專業。(梁碧玲攝)

今天《全民造星II》在社交網民上發布了99位參賽者的造型照片及網上投票活動,其中99號的參賽者陳卓文的服裝造型與當年姜濤的造型相撞,原來姜濤早已率先觀看,他說:「好榮幸有人學我,佢學我可能因為佢欣賞我,同埋今屆佢係我印象最深刻,我轉頭應該會投票畀佢。」

+4