張曼玉現身內地真人騷　與小鮮肉水戰重拾少女心

由樂華七子主持嘅內地綜藝節目《少年可期》，每期都會講呢班小鮮肉去拜會音樂界嘅勁人，並與師父同吃同住同行，一起渡過三天兩夜的生活。繼鄭秀文、蕭敬騰、梁詠琪之後，節目最後兩集搵嚟影后張曼玉做師父！54歲嘅張曼玉近年雖然鮮有幕前演出，但偶有發表音樂作品，又試過喺上海音樂節獻唱多首英文歌，去年佢喺內地出席活動時更透露有意出EP。

雖然只係得節目預告，但由網上嘅照片所見，只見身穿長袖格仔恤衫、黑色運動褲，搭配白色波鞋，與幾位小鮮肉玩水戰，童心未泯，充滿年輕青春感，就連其中一位徒弟畢雯珺都忍唔住直說：「師父內心裡面住著一個小公主。」其實上月中，張曼玉曾被發現同樂華七子嘅范丞丞現身香港街市，走到肉檔和蔬菜檔買餸，期間張曼玉仲開口買和講價，而范丞丞就負責拎餸，二人有講有笑，似乎呢個師傅都唔係太嚴厲。