何超蓮為男友竇驍染黑髮：自己未染過黑咪試下囉
撰文：吳子生
出版：更新：
何超蓮今日（15/7）現身銅鑼灣出席Barbie 60週年揭幕禮活動。超蓮透露小時候擁有一個Barbie公仔並不容易：「每年生日Daddy會買一大袋生日禮物俾我，任我揀，但媽咪會收起晒成袋玩具，要等我成績好，表現又乖嘅時候，就會俾一個玩具我，但當我手上嘅玩具，玩到殘嘅時候，佢又會俾一個新嘅我，因為媽咪唔想我哋有太多玩具，細個嘅時候我都係同細佬一齊玩玩具。」
超蓮即場示範將甜品為蛋糕粉飾。（葉兆康攝）
現年28歲的何超蓮早前高調宣布與內地男星竇驍戀愛，最近將一頭啡髮染成黑色，有傳為迎合男友而大變髮。超蓮笑言：「其實我本身天生啲頭髮係啡色，由小到大從來都未染過黑色，髮型師其實一路都有同我講過，如果染咗黑色之後，再染返其他顏色嘅時時候會好難，咁但係我又覺得自己又冇染過咪試下囉，出嚟效果都好靚呀。」
一提起男朋友竇驍，超蓮即笑容滿面。（葉兆康攝）
超蓮一頭黑髮出席公開活動。（葉兆康攝）