陳煒大方承認戀上型男醫生 「我清楚晒佢嘅狀況先同佢開始」
撰文：吳子生
出版：更新：
陳煒昨晚（16/7）現身灣仔出席慈善晚宴，談到最近爆出新戀情，與現年45歲型男醫生陳國強拍拖，並正式告別單身，煒哥表現得相當開心：「當初認識佢時，係搵佢睇醫生，同埋搵佢做一啲醫學美容嘅療程，喺做嘅過程覺得佢好細心，彼此之間又好投緣，所以對呢個人都幾有好感，但大家一直好忙冇發展，要拍晒《法證先鋒》後，叫做可以休息落嚟，個陣先開始慢慢了解佢，同佢食飯再發展。」
煒哥大讚男友夠細心。（陳順禎攝）
有傳男方其實已婚，還有兩名女兒，對此煒哥為男友澄清在他們拍拖前，男方早已交代得清清楚楚：「佢離咗婚係事實，有兩名女兒我係知道嘅，我係清楚晒佢嘅狀況我先同佢開始，咁所以唔存在報導所講嘅問題，亦都唔容許自己做呢件事，識咗佢知後，先知佢原來係我粉絲，佢會睇我啲劇集，就係咁大家會好多話題。（前夫有冇打電話恭喜你？）煒哥表示：「我諗佢唔知啩，應該佢未睇到報道住。」（感情穩定會否想過閃婚？）煒哥直言：「我諗宜家都係好初步，大家都仲係認識之中，我都冇諗過預期咁快會公開，咁所以都係俾我哋慢慢發展下。」
煒哥笑言有病的時候，可以搵醫生男友睇症，份外安心。（陳順禎攝）