麥明詩fb撐梁天琦？ 網民怕方丈小器：以後見唔到佢
撰文：何志衡
出版：更新：
麥明詩在facebook貼文，似暗指選舉事務處處理梁天琦提名程序有問題。（Facebook截圖）
本土民主前線梁天琦被選舉事務處取消參選立法會資格，選舉事務處被批評是政治審查。今日現屆港姐冠軍麥明詩在facebook轉貼有關梁天琦的報道，該報道標題為「選委會法律界委員聯合聲明 批選舉主任決定不合法：無法律基礎下作政治審查篩選」，曾經在劍橋大學法律糸畢業的麥明詩更在帖文寫上「An action ultra vires, coupled with procedural impropriety.」（一個行為越權，並加上程序不當。)並用hastag注明「＃我仲記得我讀過嘅書」，似暗指選舉主任行為越權，處理提名程序亦有問題，讀過法律的她力撐法律界委員的判斷。
帖文上載後暫時有2百多人like，有網友留言讚她是「勇者」、「美貌與智慧，明辯與吉士！」亦有人擔心她身為大台藝人，撐梁天琦會被方丈秋後算帳；有網友留言提醒麥明詩，用英文說這些話暫時仍算安全，麥明詩也有親自回應：「用英文讀，唔係好識呢啲terms嘅中文」；有高登巴打則在高登討論區轉貼及留言「恐怕以後都見唔到佢（麥明詩）啦」。
獲大台力捧的麥明詩，在facebook力撐梁天琦，難道唔驚秋後算帳！（資料圖片）
本土民主前線梁天琦日前被取消參選立法會資格，正尋求司法覆核。（資料圖片）