袁嘉敏北上拍戲深山遭野獸襲擊：成隻狐狸撲出嚟
撰文：吳子生
出版：更新：
袁嘉敏（candy)今晚（1/8）出席在尖沙咀舉行的電影《狂野時速·雙雄聯盟》首映禮。Candy透露有位醫生好朋友擁有多部名車，但好可惜未曾坐過：「我只不過係佢尊貴嘅病人，暫時未係佢尊貴嘅女伴，咁所以上唔到佢架車，知道佢哋放假嘅時候，會成隊名車隊去揸車入新界遊車河，叫過佢介紹啲男仔俾我識，但佢話冇，咁所以想感受狂野時速嘅快感都冇機會。」
仍是單身的Candy，她透露很想找個男朋友拍拖陪伴自己。（葉志明攝）
Candy近年北上發展搵人仔，而最近她剛完成內地一部電影拍攝工作，還透露差點在上山遇險，提起心裡仍有餘悸：「其實當我知道要摸黑上山拍攝，我都問定經紀山上會唔會有野獸，佢話冇，點知等埋位嘅時候，有隻成5尺長嘅狐狸撲出嚟，當時已經拍到好攰，佢撲出嚟真係俾佢嚇親。」
Candy近年北上發展演藝事業搵人仔。（葉志明攝）