【大醬園】龔嘉欣朱晨麗盛傳不和 吳業坤堅稱誤會:睇唔到火藥味

撰文:葉詩
出版:更新:

吳業坤(坤哥)周六(10日)出席《憤怒鳥大電影》首映禮,他更為英雄角色阿雄配音,坤哥就說這次難為了導演:「因為我本身唔係Energy咁高嘅一個人,但呢個角色就要好高既Energy,同非常神氣,所以係導演講一句,我跟佢一句,慢慢去摸索個角色。」所以他認為導演甚是辛苦:「所以我好尊重導演。」問到與拍戲的不同,坤哥說:「只能用聲音去演繹,所以要投放更多感情,好似唱歌咁;演戲可以用表情、手勢、身體語言去表達,所以獲益良多。」

吳業坤日前到日本學唱歌,發現世界是如此的廣闊。(葉兆康攝)

吳業坤飾演的阿雄與馮盈盈飾演的阿銀在戲中有感情線,問到彼此之間有沒有擦出什麼火花,坤哥就說:「我哋彼此之間存在咗『寶寶』(馮盈盈男朋友),所以唔存在火花,係純友誼。」馮盈盈男朋友今日亦有出現在首映禮現場支持女朋友,瞬間吸引所有媒體的目光,問到怕不怕被搶風頭,坤哥說:「已經搶咗啦,唔洗驚!」又立即續言:「見到佢哋真係好Sweet!希望第時有呢啲活動,都可以有個『寶寶』嚟陪住我就好。」

提到吳業坤有份拍攝無綫(TVB)新劇《大醬園》,問他是否知道龔嘉欣與朱晨麗不和傳聞的內幕,他便指自己全不知情,更稱大家會互相買食物:「我睇唔到佢哋有火藥味,都已經拍完成個月仲有呢啲嘢傳出,可能係誤會,總之拍攝時大家係好開心同融洽。」

+1