珠寶設計師莊莎娜分享護膚心得:隔日敷Mask

撰文:吳子生
出版:更新:

90後香港著名珠寶女設計師莊莎娜(Sarah),昨晚(9/8)身穿黑色高貴晚裝出席第27屆「海外學生仁濟夜2019」慈善餐舞會,Sarah年輕有為加上外貌笑容甜美,難怪被譽為新一代珠寶設計師女神稱號;莊莎娜自從由澳洲大學畢業回港後,便幫手打理家族珠寶生意,主理珠寶設計,並設計出多款時尚珠寶鑽飾,但Sarah指出曾經在創作設計方向欠缺靈感,而感到沮喪:「其實靈感嘅嘢真係好難控制,如果當我諗唔到嘅時候,我會選擇俾自己休息一下,去下旅行又或者睇下書放鬆心情,但一有靈感嘅時候,就會不停湧入腦度,就會諗到好多新嘅創作。」

擺任何甫士對Sarah來說沒難道,格外顯得非常專業。(葉志明攝)
Saarah身穿黑色低胸晚裝開叉長裙,特顯個人動人氣質外,加上修長白滑長腿,原全散發出神級動人仙氣,靚絕全場。(葉志明攝)

除了專注事業,Sarah亦談到護膚心得:「以前好鍾意去曬太陽,不過宜家覺得最好就唔好去曬啦,因為曬太陽其實對皮膚好傷,同好容易變老,咁所以宜家出外都會搽防曬用品,仲要搽晒全身,咁所以我每隔一日就要敷Mask,自己本身皮膚好容敏感,在選購護膚產品方面,我會去連鎖個人護理店選購價值二至三百蚊嘅護膚產品用,大品牌嘅護膚產品真係好貴,咁所以自己覺得女人喺買護膚化妝品方面嘅使費,真係使好多錢。」

 

Sarah透露現時仍是單身一族,雖然身邊不乏追求者,但她認為揀選男友時,最重要是心靈上能夠互相溝通。(葉志明攝)
Sarah早前與日本公司合作,設計出以中國神獸「龍」一系列的珠寶鑽飾,成功打入日本市場。(葉志明攝)
+1