【港姐2019】憑精細畫功晉級決賽 楊詠彤苦練3日:畫足百隻蝴蝶

撰文:吳子生
出版:更新:

《2019香港小姐競選》今日(13/8)於將軍澳舉行「決賽佳麗誕生」記者會,15名入圍後選佳麗即場表演才藝,角逐晉級參賽之資格。順利晉級決賽的楊詠彤(Katy)心情激動表示:「其實我哋真係都幾緊張,原本唔知道會淘汰5個名額咁多,一開頭我好彩第一個就叫我名,就知自己入圍心情都放鬆咗少少,但之後仲有其他8位佳麗名名單未宣布,好想聽到自己心儀嘅佳麗個名,但最終聽唔到,所以喊晒出嚟。」

Katy表示不捨得一班落選佳麗。(陳志嵐攝)

提到才藝表演畫功了得,Katy直言閉關苦練3天的成果:「頭先表演自己冇諗過咁緊張,因為之前採排做得更加好,今次時間係用長咗少少,連講嘢都冇之前咁順暢,始終可能係第一次喺咁多人面前畫畫嘅關係,咁我呢個蝴蝶都係自學,喺屋企不斷練習,足足畫咗一百隻蝴蝶。」

Katy即場才藝表演,用油彩展現精細畫功。(陳志嵐攝)