【小Q】鄧小巧翻唱《陪著你走》被盧冠廷訓話︰唔好當自己係歌手

撰文:林迅景
出版:更新:

改編自日本小說《再見了,可魯》的電影《小Q》,昨晚(14/8)舉行愛心場。早前在中國內地受襲的任達華(華哥)以及電影插曲《陪著你走》主唱兼演員鄧小巧均有出席。

鄧小巧現場即席唱出了電影插曲《陪著你走》。(葉志明 攝)

對於這次唱出盧冠廷的經典名曲,鄧小巧接受《香港01》訪問時表示,錄音時十分緊張:「聽到消息嗰時梗係話好啦,同呢位神級前輩合作,但去到錄音嗰朝,我就知驚喇,感覺真係同平時錄音好唔一樣。」她自言由盧冠廷監製錄音,絕對是一次寶貴經驗。

盧冠廷親自為鄧小巧版的《陪著你走》監制錄音。(葉志明攝)

問到錄音時有否「學到嘢」?她回想:「佢唔會好嚴格咁教你,反而會畀好實際嘅意見去啟發你。譬如佢叫我唱嘅時候,唔好當自己係歌手,你唔好理啲斷句點樣斷。』因為首歌有百萬個人唱過,有百萬個版本,連LoLo(盧冠廷)自己都翻唱過好多個版本。我錄歌之前會有好多框架,所以LoLo咁講係幫我拆開我對呢首歌既定嘅認知,係一個好好玩嘅過程。」

盧冠廷的一句「你唔好當自己係歌手」,就點醒了鄧小巧。(葉志明 攝)