黃秋生自己暗示太攰不再發聲? FB澄清:我從來唔係港獨!

撰文:張嘉敏
出版:更新:

黃秋生向來是性情中人,一向敢言的他從不忌諱表達自己所想所惑,他今早(29/8)就於他的FB出post,坦言覺得好攰,跟大家說再見,並強調自己絕非港獨份子。秋生表示他不會憎恨那些痛恨他的人,因為那些人對他沒有任何影響。他只願中港两地的人,可以再次和諧相處,歡聚圍爐。他還特意澄清:「我從來都唔係港獨,亦唔喜歡暴力,同大多數人一樣。我只係一個有獨立思想,喜愛知識,而且憎惡邪惡嘅普通香港人。 」而他最尾的幾句更用了簡體字,似乎是想給那些不懂看繁體字的網民看的。這個Post出現後網民反應熱烈,3小時內已累積逾1.4萬個fb情緒回應,而剛剛與他完成舞台劇《尋常心》的演員梁祖堯則留言感謝秋生:「謝謝你,大師兄!」

秋生表明蝗虫不是他說的。(黃秋生fb圖片)

以下是秋生個FB post的全文內容:

「各位,我癐(編按:解作疲倦)啦。再見。喜歡我嘅朋友唔駛担(擔)心,我唔係去死,我會堅持信念,大家都係,大丈夫有所為有所不為。我只係癐啫。痛恨我嘅朋友,係,係朋友,我唔憎你哋,因為我都唔識你哋,你哋對我亦無任何影響,我只係因為私人原因,疲倦而已,你哋亦唔駛高興,因為你哋並無成功咗啲乜。喺呢度,大家平等,互不相識,缘生則聚,緣滅則散,你我只係宇宙間嘅粉塵。只願,中港两地嘅人,可以好似以前一樣,再次和諧相處,歡聚圍爐。最後,我從來都唔係港獨,亦唔喜歡暴力,同大多數人一樣。我只係一個有獨立思想,喜愛知識,而且憎惡邪惡嘅普通香港人。 其實,内地都有好多聰明俊秀嘅人材。还有,蝗虫不是我说的,我寫的那句是文言,不懂别亂说,蝗虫是一个導演罵的,而且他现在还在大陸,看似挺受你們欢迎的在捞你們的金呢。 香港人,加油。」

秋生坦言覺得好攰。(黃秋生fb圖片)

點擊下圖睇秋生FB個原Post,以及佢嘅其他靚相:

+13