鍾欣潼老公賴弘國被傳與女網紅約炮　阿嬌親自回應

阿嬌鍾欣潼去年下嫁整容醫生賴弘國，於香港筵開38席大宴親朋，正式成為賴太。兩夫婦不時於網上放閃，之前仲一齊拍攝內地綜藝節目《爸媽學前班》。點知喺9月2日微博熱搜驚現「#阿嬌老公出軌女網紅#」，賴弘國IG湧入大批網友留言，連阿嬌都出面回應。

9月2日有網友於微博貼出多張圖片爆料指：「我有阿嬌老公約炮的證據，太噁心了，他還作賊心虛刪我評論！」據呢位網友指，賴弘國不時關注女網紅，成日趁阿嬌唔喺身邊就同人鬼混，仲貼出一張賴弘國著住睡袍，面紅紅看似飲完酒嘅視頻截圖。

更多被傳賴弘國搭上嘅女網紅寧寧照片：

微博一出馬上衝上熱搜榜，有唔少網友戥阿嬌唔抵，湧入賴弘國IG留言，留言警告佢「請做好自我管理」，「你的一舉一動大家都看在眼裡，你最好本份一點，大男人不要那麼騷到處勾三搭四」。但亦有唔少網友話單憑佢FOLLOW女網紅IG就話佢出軌，有點兒太輕率。

被指賴弘國有FOLLOW嘅女網紅接受台灣傳媒訪問時就澄清，賴弘國無私下傳過訊息俾佢，亦都否認約炮傳言。估唔到同日早上11點左右，阿嬌仲親身喺微博回應：「開學第一天，這個熱鬧我們不湊啦﹗雨女無瓜（與你無關）」外加一個笑而不語嘅EMOJI，而賴弘國亦留言回應話：「這個熱鬧我們不湊啦，愛妳老婆。」睇嚟對佢兩公婆嚟講又係笑料一則。