【港姐2019】何泳芍穿性感騷胸長裙行紅地毯 ：已經好小兒科
撰文：吳子生
出版：更新：
一年一度全城矚目《香港小姐競選2019》，今晚（8/9）於將軍澳電視城隆重舉行總決賽。賽前，一眾女藝人盛裝打扮出席行紅地氈，而其中身穿棗紅色騷胸吊帶長裙的Honey(何泳芍），在眾多女藝人當中性感度爆燈，艷壓全場成焦點。
Honey睇好大熱黃嘉雯奪冠。（葉志明攝）
Honey表示：「睇返自己上年參選港姐期間冇乜點食嘢又唔夠訓，今年我係食飽飽先嚟睇，早幾日先知今晚有行紅地氈呢個環節，時間比較趕急下先搵，特登為今晚啲師妹打打氣，其實好多人話今晚唔好太隆重，而我呢套已經好清，我見到其他人都好強勁，所以覺得自己已經好小兒科啦！」
Honey今晚身穿棗紅色騷胸吊帶長裙，艷壓全場。（葉志明攝）