【首映禮】史泰龍一身肌肉迷到張沛樂：體能一定勁好多

張沛樂（沙律）昨晚（17/9）現身尖沙咀出席由荷里活巨星史泰龍主演的電影《第一滴血·終極血戰》首映禮。沙律直言史泰龍極具吸引力：「佢一身肌肉擁有超強嘅爆炸力，體能一定勁好多，加上佢係外國人一定冇得輸。」（男友林耀聲操到咁大隻好唔好？）沙律笑言：「唔好啦，佢唔夠高呀！我覺得佢啱返自己身型就得，佢有返啲線條好似李小龍咁嘅style。」

沙律承認近來少做運動引致心廣體胖，還被粉絲投訴少Post運動照在IG：「有時候做嘢，好多時都係食飯盒，但永遠都係飯多餸少，咁所以一定會食到飯，其實有時都好難避免會食到澱粉質，佢（男友）有時都會串我仲要食嘢呀，咁我就回應佢：『係呀，人都係要食嘢嘅』。