【不義之戰】拍槍戰超支打出子彈六千發 何佩瑜：仲貴過真子彈
撰文：吳子生
出版：更新：
電影《不義之戰》眾演員在台上大合照。（梁碧玲攝）
何佩瑜(Jeana)昨晚（24/9）身穿性感露背黑色晚裝長裙，出席在銅鑼灣舉行的電影《不義之戰》首映禮。飾演警花的Jeana透露與戲中反派唐文龍有連番激鬥對打場面:「有場戲好記得畀唐文龍手揸住我啲頭髮，然後將我個頭撞落部車頭度，因為要就鏡頭，所以我個頭唔可以墊Pad，所以就要硬食，呢個鏡頭拍咗十幾次，拍完個頭都好痛。」
Jeana大讚唐文龍周身肌肉夠紮實。（梁碧玲攝）
Jeana與唐文龍在戲中有多場對打場口。（梁碧玲攝）
Jeana提到拍攝槍戰場面時超興奮：「雖然啲子彈冇彈頭喺度，但都會有火藥喺度，每次開槍都會有火花，開每一槍都覺得好爽，其實每一粒彈，都貴過真子彈，本身預二千粒畀我哋，點知打咗成6千粒，一粒十五蚊，每次一叫Cut，導演都叫我哋慳住使，其實我哋真係開槍開到好興奮，大家都唔想停，覺得成件事都好有型。」
Jeana表示拍攝武打場口，少不免會有瘀傷。（梁碧玲攝）