【街坊財神】黎諾懿爆黃智雯身手好 機場為霸凳坐變閃電人
撰文：吳子生
出版：更新：
諾懿直指黃智雯有望奪取今屆視后寶座，原因是連繼兩年合作女拍檔都成功躋身視后，今年亦不例外。（陳順禎攝）
黎諾懿與黃智雯（Mandy)今日（30/9）現身將軍澳出席無綫劇集《街坊財爺》之「畢業典禮」造勢活動。諾懿提到早前與黃智雯去新加坡為無線宣傳時，大爆Mandy身為無綫花旦竟然不顧身分霸凳坐趕人走：「呢次新加坡真係好好笑，因為機場去另一個機場要坐巴士，當時我哋仲喺禁區個位置，上到巴士見到有一位著住制服嘅女人企咗喺張凳前面，Mandy好快一個閃身就坐咗喺個女人企後面張凳度，個女人仲用疑惑嘅眼神望住佢，最好笑佢以為個女人係整車嘅人，其實佢係關員，佢仲想趕佢落車，其實同佢拍戲可以係佢身上發現好多有趣嘅嘢，哈哈！」Mandy笑言：「起初見佢著住制服，只係上嚟檢查下，點知佢係關員。」