【解決師】唐詩詠突然蒼老嚇親網民　王浩信拍片造勢累事？

唐詩詠不時都會喺IG上載靚相，早前佢同田蕊妮結伴去日本時，對方再次成為其御用攝影師，唐詩詠更發文大讚：「有個識影相嘅朋友同你一齊去旅行，係一件好開心嘅事，但係奇怪點解啲相會Out focus，攝影師話，朦朦朧朧之下我會靚啲，我當然相信我嘅朋友啦」。

相信唔小人都深明「有個識影相嘅朋友真係好重要」呢個道理，昨晚（15日）唐詩詠出席《解決師》首集飯局時，同男主角王浩信齊齊亙相拍片，並分別上載到ig story。不過，或者係因為燈光、距離嘅關係，只見王浩信版本嘅唐詩詠一講嘢，額頭嘅火車軌即時現形，令38歲嘅佢瞬間變得蒼老，唔少網民睇完呢段十秒都唔夠嘅ig story，都不禁問：「小姐邊位？」反觀唐詩詠版本嘅王浩信，皮光玉滑兼靚仔，再一次印證「有個識影相嘅朋友真係好重要」。

再睇睇唐詩詠平時喺ig上載嘅靚相,無論左、由、高、低咁影,都好靚架。