【開心速遞】陳偉琪自爆被阿媽催快拍拖 「順其自然啦」

撰文:賴家杰
出版:更新:

《愛回家之開心速遞》一眾演員今天(24日)出席「萬聖節哈佬喂」宣傳活動,同時在活動中宣布接下來《開心速遞》由星期一至五晚上9時播出增加了星期六和日晚上8時也會播出。

對於星期一至日也會播出,除了觀眾開心之外,演員們亦相當高興,劇中飾演「細龍太」的陳偉琪興奮說到:「其實大家有工開,密密做已經好開心,希望可以繼續咁樣。接下來我都可以透露有新組合出現,有我、滕麗名、林淑敏三個咁麻煩嘅女人走埋一齊會有咩新花火,大家真係可以期待一下。」

呢個組合應該會好嘈。(陳順禎攝)

雖然劇中陳偉琪是一個麻煩女人,但在現實當中絕對不麻煩,能夠跟很多人做朋友,尤其是男生更能稱兄道弟,不過卻令她有點煩惱出現,她說:「基本上所有人同我合作都當我男人,我完全冇公主脾氣。我有時仲Man過啲男仔,所以搵男朋友都幾麻煩,要搵到一個比我強勢嘅男人都幾難,真係需要啲時間。我阿媽都催緊我,拍拖、結婚同生仔,不過順其自然啦。」

陳偉琪希望屋企人唔好再催佢拍拖。(陳順禛攝)