【解決師】又係冇好下場 唐詩詠爆結局唔係happy ending
撰文：吳子生
出版：更新：
王浩信與唐詩詠今日（4/11）現身商台接受電台訪問，為無綫劇集《 解決師》宣傳造勢。浩信表示：「今次上嚟係同大家分享下呢三個星期劇情嘅發展方向，但又唔可以過分劇透，又會講下之前兩個禮拜嘅收視成績，表現都非常樂觀嘅，仲保持到26點至27點嘅水平。」詩詠對此收視非常滿意：「其實宜家要大家返屋企睇電視，都未必咁容易，我哋都估唔到頭一個禮拜都有咁好成績。」
王浩信和唐詩詠再次飾演情侶。（劉智源攝）
對於劇集最後有否Happy ending ?詩詠笑言說：「我嘅貼士係我同王浩信拍過嘅劇都冇試過有Happy ending，但今次會唔會呢？我只可以講一定唔會係Happy。」身為解決師的王浩信，在劇中有連番打鬥場面，拳拳到肉非常精彩。浩信直言：「其實自己都有睇番自己嘅演出，認為仲有進步空間，但當時自己已經盡晒力，喺劇內有八成半嘅時間，都冇用替身，咁所以希望大家都會接受我呢份誠意啦！」
身為解決師的王浩信在劇中有連場打鬥場面，拳拳到肉非常常彩，他表示自己有進步空間，認為已經盡晒力去做，希望觀眾 會喜歡。（劉智源攝）