【解決師】網民發起四大型男選舉　王浩信竟然唔係第一？

《解決師》進入結局周，有網友喺討論區以「解決師四大型男」為題，並叫大家投票，而呢四大型男包括黃嘉樂、李天翔、王浩信以及張穎康。當大家以為視帝王浩信高大靚仔又有型，第一名非佢莫屬時，估唔到黃嘉樂原來先係大贏家，唔少網民都大讚佢鬍鬚造型更添男人味，加上小鳳一角有情有義，對黃嘉樂來說也是突破性的嘗試。

今年40歲嘅黃嘉樂，01年已經加入TVB，雖然參演過不少劇集，但太多以閒角為主，直到近年轉為「親生仔」後，演出機會大增之餘，亦不再是「路人甲」，在《果欄中的江湖大嫂》、《白色強人》的表現均備受讚賞。而他在《解決師》的「小鳯」與李天翔飾演的「太子」，由於HeHe味濃：抹嘴、一支潤唇膏兩份用、幫對方拉褲鍊……引起不少網友討論。不過黃嘉樂就曾解釋過係因為太子對小鳳好似家人一樣咁好，所以先會有咁嘅舉動。