【台慶2019】陸浩明上載司儀稿 吸逾4300嬲嬲:阿叻叫我唔好睇
撰文:洪曉璇
出版:更新:
11月19日係TVB 台慶,因應社會氣氛,沿用多年嘅節目名《萬千星輝賀台慶》改為《珍惜香港發放娛樂TVB 52年》,仲由直播變錄播。網民亦發起罷睇行動,司儀之一嘅陸浩明上載一張司儀稿相片,都就引來數千嬲嬲洗版。
+10
今年台慶由汪明荃、鄭裕玲、陳貝兒、麥美恩、袁文傑、丁子朗及何依婷擔任司儀。陸浩明喺19號下晝上載一張台慶司儀稿相片,留言話:「感恩今年再可以擔任台慶司儀。」短短時間引嚟超過4300嬲嬲﹗好多網友翻炒早兩年陳百祥言論,笑言要「響應」叻哥呼籲,支持熄機等睇叻哥由將軍澳跪返屋企,引來咁大迴響相信6號都始料不及。