黎諾懿認停工至明年二月 受社會運動影響收入減少:唯有忍讓下

撰文:秦志鴻
出版:更新:

黎諾懿今天(2日)出席到將軍澳電視城出席TVB節目《超級奶爸3》記者會,助節目宣傳造勢,不過他今日亦學到一些與家中小孩相處的知識:「雖然我同囝囝可能會有好多問題,但我自己嗰套方法,我會覺得只要用個心,就會了解到。不過我嗰套可能未必適合其他人,因為每個小朋友性格唔同。」

諾懿指最近老婆很妒忌他,因為兒子鍾意諾懿多過佢。(陳順禎攝)

香港社會運動持續了半年,娛樂圈不少藝人工作量大大減少。諾懿亦直認受到影響,他透露到明年2月才有工作,現在以休息為主:「依家社會環境始終唔係咁好,咁我諗大家都要休息唞唞。倒不如等社會氣氛好啲再拍啲有質素嘅嘢畀大家睇。你夾硬拍咗,大家都未必會想睇,咪唞下囉。」

諾懿指現在工作主要是接一些散Job,還有現在科技發達,可以做一些網上平台工作。(陳順禎攝)

諾懿亦表示收入受影響到也是無可避免:「其實都冇辦法,唔單單係我哋問題。咁你話諾懿問題演得差就要檢討下啫,不過依家係大環境,無可避免。咁全香港嘅問題,咁唯有忍讓下,唔開心事快啲過去。」

TVB傳出裁員消息,諾懿亦聽聞過,表示希望盡量不要發生,若真的要裁,希望盡量裁少一點。(陳順禎攝)