【兄弟幫】即將畫上句號 林盛斌最難忘「神算軒」：佢真心計錯數
撰文：吳子生
出版：更新：
林盛斌（Bob）和王梓軒今日（9/12）在將軍澳電視城為J2節目《兄弟幫》第2505集「兄弟情」錄影。阿BoB對於節目即將完結感到不捨得，亦大讚身為歌手梓軒主持節目大有進步：「好記得我哋個節目做咗兩三年後佢就加入，佢做完節目真係會打俾我，問我佢做成點，佢真係幾有心，至於上次佢喺節目度計錯數，唔係有心，而係真心計錯數，都係搞下笑啫。」
娛樂圈年度「最Sweet新聞」名單有喇！即到《01最賞睇娛樂大獎》投票，仲可以參加勁抽雙重獎，隨時贏得終極大獎旗艦手機11 Pro Max、Dyson風筒等。
一眾主持現身錄影廠，為J2《兄弟幫》節目錄影最後兩集後，便宣告完結。（陳順禎攝）
王梓軒自從在《兄弟幫》節目中計錯數之後，被網民稱呼為「神算軒」。對此梓軒笑言：「其實冇乜所謂，最緊要大家開心就得，其實《兄弟幫》都係清談節目，所以會出現亂噏嘢嘅情況，可能近呢幾年啲人會再問番我呢件事緊唔緊張，我唔緊張，但經過呢件事，知道觀眾感覺再作出改善。」
阿BoB大讚王梓軒主持《兄弟幫》節目大有進步。（陳順禎攝）