【多功能老婆】陳煒愛得甜蜜唔願做女強人:身邊都有人保護啦!

撰文:陳芷穎
出版:更新:

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro Max、Dyson風筒,仲可以有01積分換唔同禮品!

煒哥到電視城出席《多功能老婆》宣傳活動,席間直認角色同自己有幾分相似。(陳順禎攝)

陳煒(煒哥)今日(11/12)到將軍澳電視廣播城出席無綫(TVB)劇集《多功能老婆》宣傳活動。煒哥在劇中飾演強勢、有主見的女強人,她坦言現實中的自己相似:「我係一個分析型嘅人,所有事會分析完先行動,唔係衝動派。」

戲外,陳煒與醫生男友愛得甜蜜,問如何平衡理智與感情,她說:「感情上要Take care好對方,工作同感情都要兼顧好,現今社會女性都係經濟獨立,有自己事業。工作時工作,拍拖時拍拖。」不過,煒哥笑言自己對住男朋友時,會瞬間變成小鳥依人:「呢啲自然流露嘅,要咁強勢做咩呢?身邊都有個強嘅人保護你。」

煒哥話仲未收到聖誕禮物。(陳順禎攝)

提到劇中的煒哥不相信愛情,甚至為達到目的利用男女關係,她說:「萬風華(戲中角色)收好多手錶,好多款唔同嘅仲日日換,代表佢愛情幾泛濫。現實生活當然唔係咁,呢個係好大差別。不過現實中最近係有收到錶,唔習慣睇錶,都幾重下。」

煒哥會唔會太靚:

+6