【C君結婚】唐詩詠充當大妗姐 陸永大讚有潛質：佢可以轉做全職
撰文：吳子生
出版：更新：
今日（13/12）是組合農夫C君（鄭詩君）與電台DJ黃天頤新婚之喜，晨早一眾星級戥穿石蕭正楠、洪永城、陸泳等人到中環四季酒店接新娘，而唐詩詠就充當大妗姐一職，全程指揮一對新人完成各種儀式。詩詠表示：「人生最難做嘅一份工作就係大妗姐，因為每次斟茶嘅時候都要講一啲恭賀說話，原來係難過背對白，自己真係唔係好記得，仲要呢班兄弟好麻煩，噚晚已經瞓唔到覺，好大壓力。」
聖誕就到，準備好禮物未？投【01最賞睇娛樂大獎】，有大把禮物抽喎！超過70萬元豐富獎品，包括旗艦手機11 Pro Max、Dyson風筒，仲可以有01積分換唔同禮品！
詩詠直言做大妗姐承受好大壓力，因為要熟讀每句祝賀說話。（陳順禎攝）
陸永就大讚詩詠夠天份做大妗姐：「其實佢直頭可以做全職，因為佢捉摸到班親友鍾意聽關於博彩系嘅恭賀說話，好似話：『啖茶飲多啲，包你中三T』，佢每次講呢啲恭賀說話都特別受歡迎嘅，完全捉摸到佢哋想聽啲乜，佢真係好犀利。」
陸永大讚詩詠做大妗姐夠專業。（陳順禎攝）