傳陳國強辭任TVB董事局主席 空難死過翻生萌生去意

撰文:洪曉璇
出版:更新:

有傳TVB將有重大變動﹗電視廣播有限公司主席,有「殼王」之稱嘅陳國強,傳出有意出售手上持有嘅TVB所有股權,並將辭去無綫董事局主席一職,最快明年一月卸任。

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

有傳入主TVB近九年的「殼王」陳國強,有意將股權悉數出售(資料圖片)
入主TVB後,每年台慶都會見到陳國強出席(資料圖片)

陳國強於2011年初,與佢為首嘅財團以86億港元,買入邵氏兄弟持有嘅26%電視廣播股份,並獲委任為TVB非執行董事,正式入主TVB。並於2015年元旦接替退休嘅梁乃鵬,出任董事局主席及行政委員會主席。陳國強為人非常低調,因以買賣殼股起家,故有「殼王」之稱。

消息指,陳國強(中)正與TVB實際大股東、公司副主席「中國梅鐸」黎瑞剛取得共識後,便會宣佈辭任(資料圖片)

據報道指,入主TVB近九年嘅陳國強,疑因「中國梅鐸」黎瑞剛2015年加入後,董事局內部分岐漸大,加上陳國強兩年前於挪威遇空難死過翻生,令佢無心戀戰希望退休,而佢一手引入嘅台灣女首富王雪紅,亦會齊齊沽貨離場。無綫行政總裁李寶安回覆傳媒未有否認,並表示如有任何變動,上市公司自有公告。

陳國強去年出席影視博覽,曾埋怨政府唔夠幫手,望為同行爭取更好待遇(資料圖片)