【律政新人王II 】驚現《開心速遞》女神  與全盛時期馬國明談情

撰文:陳芷穎
出版:更新:

無綫(TVB)經典劇集,由陳鍵鋒、馬國明、官恩娜、李詩韻等人主演的《律政新人王II》於昨晚(19/12)深宵時段重播。有眼利的網民發現,一位最近極受大家喜愛的女演員於劇中驚喜現身。

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro MaxDyson風筒,仲可以有01積分換唔同禮品

Kitty原來有分参演《律政新人王II》。(《律政新人王II》電視截圖)

這位女演員就是於TVB處境劇《愛.回家之開心速遞》入面飾演池美麗一角的鍾凱琪(Kitty)。劇中講到馬國明勝出人生第一場官司,朋友們在酒吧為他慶祝,而凱琪則飾演其中一位女友人,更與馬國明有對手戲,Kitty重提這一幕時仍表現興奮:「馬國明當時已經係小生級數,好靚仔、好好人。當年仲讀緊書,《殘酷一叮》入行之後,公司開始畀劇我。」雖然在劇中飾演閒角,甚至被醜化,但Kitty從不介意角色性質:「返工啫,最緊要做好要做嘅野,工作你接收咗,佢畀咩你都要做。自己能力以內,做到就做。(收入可觀嗎?)我冇計較價錢,從來為興趣。以車馬費形式,唔係特別高。」

點擊逐格睇Kitty的演出:

+9

加入TVB 14年,凱琪終憑池美麗一角發圍:「多謝大家肯欣賞,意料之外。用心去做,做好自己每一個工作,我覺得仲有好多不足,我會更加畀心機。其實我做得好差,成日NG,剪接、導演配合得好。」縱然經常做「下把位」,凱琪竟然覺得享受:「每個人都有自己特質,冇可能樣樣都美好,世界會好虛假。演戲入面可以做到平時做唔到嘅野。喺《特技人》可以拎蕃茄、豆腐掉關楚耀。做下把位都好開心,因為可以做到正常人生活中做唔到嘅野。」鍾凱琪至今仍是特約演員,她坦言希望與TVB簽長約:「係對自己工作嘅肯定,公司最近資源緊絀啲,唯有自己繼續努力。」

Kitty掉豆腐落關楚耀度。(受訪者提供)

點擊睇更多凱琪嘅相:

+3