官恩娜驚見《律政新人王II》深夜再重播:拍嗰陣時得27歲咋!
撰文:洪曉璇
出版:更新:
TVB深夜時段重播舊劇集,吸引唔少觀眾捱夜追看,最近就重播緊2007年劇集《律政新人王II》,重點當然是四位主角陳鍵鋒、馬國明、官恩娜,同埋當時仲係叫李詩韻嘅李施嬅,當中Ella已經結婚仲生咗一仔一女,睇返當年嘅自己都話感覺相當特別。
生咗一仔一女後,Ella全職湊小朋友,將所有時間心機放晒喺仔女身上。最近分享一家人慶祝聖誕嘅相。有網友留言話:「呢排晚晚都係電視見到你,眨下眼原來已經12年了。」
Ella原來都相當懷念,更在回覆網友話:「13年啊﹗我拍嗰陣時得27歲咋哈哈哈,唔知點解成日重播次次重播我都嚇親,saw it the other night haha 我當堂嚇咗一跳﹗」雖然做咗全職媽媽,但Ella依舊keep得好好,絕對係靚媽﹗