馮盈盈分手導火線係浴室激吻？ 張頴康：盈盈一直唔想拍呢場戲
撰文：吳子生
出版：更新：
張頴康知道馮盈盈分手消息，感到愕然又可惜。（陳志嵐攝）
馮盈盈今晨在IG出Post與拍拖4年醫生男友宣告分手。外間盛傳分手導火線是拍攝劇集《解決師》時，與張頴康在浴室濕身激吻演出有關，當時馮盈盈直指男友睇到心靈受創。今日張頴康出席無綫劇集《逆天奇案》拜神儀式，就此事接受《香港01》訪問時說：「其實都係傳言，我唔知道佢哋兩個當中分手原因係乜，坦白講呢場戲我老婆佢睇到都好唔開心，呢啲戲係會令到雙方令一伴會感到痛苦，其實阿盈盈一直以來，由收到呢個劇本嘅時候，已經唔想拍呢場戲，大家都有諗方法盡量減低一啲親密鏡頭，盡量可以掂都唔掂，最尾冇得避嘅時候都要去做，只能夠講我哋做演員都好被動。」
張穎康表示28號晚搞聖誕派對，馮盈盈當晚亦有到場，但察覺不到她受感情困擾。（陳志嵐攝）
阿康續說：「其實早兩日28號晚，我搞聖誕派對盈盈都有嚟我屋企，當晚唔見佢有帶男友到，我都有問佢男友點解唔嚟嘅，盈盈就輕輕帶過話男友唔得閒嚟，玩到令晨12點，佢就話要走，當時我心諗可能佢要交人陪男友，所以都一直都唔知佢發生緊咩事，希望佢哋兩個好快冇事，能夠可以復合番啦！」