韓庚盧靖姍新西蘭舉行婚禮 貼中式禮服照放閃：你好，我的愛人
撰文：洪曉璇
出版：更新：
韓庚同盧靖姍正式舉行婚禮（微博：＠韓庚）
現年35歲嘅前韓團Super Junior中國籍成員韓庚，同拍拖2年嘅混血女星盧靖姍拉埋天窗，於新西蘭舉行婚禮，呢日仲喺微博上載婚照放閃。
韓庚上載兩夫婦著住中式禮服嘅婚照（微博：＠韓庚）
韓庚和盧靖姍早就飛到新西蘭，30號晚舉行歡迎晚宴，至31號早上舉行婚禮，跟足傳統跪地向雙方家長敬茶。韓庚亦親自喺微博正式向粉絲介紹太太：「你好，我的愛人。」同時公開婚照，二人著上金色中式禮服，十指緊扣相視而笑非常甜蜜。早前傳出SUPER JUNIOR成員希澈會擔任伴郎，不過希澈尋日開直播時話有收到韓庚邀請，但由於有工作在身無法親自到場祝福。
早前佢地踏上萬里長城拍攝婚紗相（微博：＠DIOR迪奧）
韓庚同盧靖姍喺17年9月金雞獎頒獎禮結緣，當時韓庚展現紳士風度，扶女方落樓梯，獲盧靖姍發微博致謝。18年公布戀情，至今年6月女方意外曝光無名指婚戒，隨後更傳出已經喺香港註冊結婚，最終都趕及2019年最後一日舉行婚禮。
二人於17年9月金雞獎結緣（影片截圖）
重溫二人拍拖甜蜜時刻：
+4