【丫鬟大聯盟】與湯洛雯齊獲提名視帝視后 洪永城:攞到一定裸跑

撰文:陳芷穎
出版:更新:

洪永城(Tony)與湯洛雯(靚湯)今日(8/1)現身將軍澳電視城出席無綫(TVB)劇集《丫鬟大聯盟》宣傳活動。星期日(12/1)就是《萬千星輝頒獎典禮2019》舉行的日子,《丫鬟大聯盟》獲多項提名,靚湯直言最想得到飛躍女藝員獎:「我真係想拎呢個獎多啲,始終年紀上我都係比較跑出,佢哋可以等,畀我攞咗先,下年佢哋攞。咁就唔好好似阿楊(楊明)咁喇。」Tony笑言:「唔好成為女版楊明。」

Tony,靚湯現身電視城出席劇集宣傳活動。(陳順禎攝)

Tony和靚湯憑《丫鬟大聯盟》分別獲提名視帝、視后,Tony說:「如果攞到我一定裸跑(靚湯:『我都裸跑。』)一齊裸跑,總之任何一個攞就裸跑?(靚湯:『唔係,我哋一齊攞男視帝、女視后。』)咁呢個機會率再低啲,所以裸跑嘅機會係幾乎零。今年有好多大熱,唔係特別有信心。」

靚湯話拎到視后就裸跑。(陳順禎攝)

來到新一年,靚湯最想Tony與女友(梁諾妍)拉埋天窗:「希望洪永城可以成家立室,喺佢(Tony)識佢女朋友之前,我已經識佢女朋友,同佢女朋友一齊浸過浴添,我係比較早去認識佢嘅全部。新一年對佢好啲,快啲成家立室。」Tony亦不排除這個可能性:「咩都有機會,睇下各方面嘅配合。(同女友)一個好好嘅關係,relationship都邁向一個好好嘅模式。」

Tony亦隨即祝靚湯早日找到男朋友:「有一個好嘅歸宿,有一個膊頭可以挨。」靚湯立即反擊:「你又知我冇?我有唔同嘅膊頭可以挨。」

洪永城唔排除同女友盡快拉埋天窗。(陳順禎攝)

點撃睇更多活動靚相:

+5