【武漢肺炎】洪永城高價購入N95口罩 湯洛雯:買唔到口罩唔出街

撰文:陳芷穎
出版:更新:

最近武漢爆發不明肺炎個案,陸續有市民從武漢返港後疑染上不明肺炎,令全港市民的衛生意識急速提升。洪永城(Tony)與湯洛雯(靚湯)今日(8/1)出席無綫(TVB)劇集《丫鬟大聯盟》宣傳活動時表示有留意香港的情況,而同劇的謝東閔因病缺席,Tony說:「原本會一齊幫《丫鬟大聯盟》拍online video,但係佢病咗嚟唔到,佢原本今日都話想嚟,仲有少少未康復,我叫佢留喺屋企,千祈唔好出街,而家你好危險。傳染咗畀大家就真係唔好。」靚湯贊同:「唔舒服唔好夾硬嚟,因為太多人嘅地方都驚。」

洪永城有留意香港最近的情況,叫謝東閔留在家。(陳順禎攝)

香港出現口罩搶購潮,有藥房更將口罩價格提升多倍,Tony亦有留意:「而家啲口罩愈嚟愈貴,全部炒高晒啲價錢,自己喺背囊有準備(口罩)。」靚湯說:「都會準備,多人嘅地方。我前幾日搭完飛機,唔使驚。(洪永城:『搭飛機啫,唔係去武漢就得。』)我唔係,我去泰國,我都要戴口罩,平時我唔鍾意戴口罩,我驚皮膚會焗到生粒粒。但係而家都要戴口罩,下次我宣傳都會戴口罩。(洪永城:『宣傳戴口罩點見到你靚樣?』)」Gag嚟㗎!」

靚湯話如果買唔到口罩就唔會出街。(陳順禎攝)

為保障健康,洪永城以高價購買N95口罩:「$100一個。最普通白色嗰個唔work,綠色嗰個先work,醫護人員戴嗰個。我係買硬紙皮、白色,黃色帶。」靚湯就獨有一套方法:「我都唔出街嘅,我好少出街,宅女嚟,所以呢段時間盡可能唔出街,繼續貫徹我嘅作風。如果買唔到口罩咪唔好出街,橫掂你(Tony)都有女朋友。」

+9