田蕊妮正式宣布離開TVB:想畀啲挑戰同新鮮感自己

撰文:賴家杰
出版:更新:

田蕊妮早前在社交平台發文,引起內地網民揚言封殺她。9月時傳出田蕊妮跟無綫提前解約的消息,引起外界關注,不過一直未有確實消息,田蕊妮今天現身TVB《保良愛心慶新春》錄影活動,接受《香港01》訪問時,正式宣布離開工作12年的TVB:「最後我選擇出去睇下有咩衝擊畀我自己!」

阿田今日正式宣布離開TVB。(葉志明攝)

阿田說:「我仲有個幾月,都會出去發展。其實公司有同我傾過續約,我哋都係保持良好關係,不過因為當我傾約時候會諗喺TVB服務咗12年,其實仲長過我係亞視。我會諗合作嘅人仲有邊個呢?但其實要合作同做過嘅角色都試過,都想畀啲挑戰同新鮮感自己。最後我選擇出去睇下有咩衝擊畀我自己。」

阿田選擇跳出Comfort zone,需要很大勇氣,她說:「可能好多人性格唔同,我發覺我自己係一個鍾意跳出Comfort zone,如果我跳出去會發展到同睇到另一樣嘢,所以我選擇跳出去,每一個人都有唔同選擇。」

阿田自九月個人演唱會完結後,就一直旅遊,甚少出席TVB的活動。(葉志明攝)

點擊重溫阿田在TVB演過的劇集:

+3