【武漢肺炎】陳豪擔心疫情 教子女衛生常識：佢哋原本唔肯戴口罩
撰文：葉詩
出版：更新：
陳豪（Moses）大年初二（26日）到灣仔會展參與無綫《金鼠迎春接萬福》節目。說到年三十晚老婆陳茵媺化身「Chief Aimee」精心炮製團年飯，Moses提到自己只能在旁輔助，又大讚太太厲害：「佢愈來愈犀利，為團年飯設計咗個Meal，係每個人每道菜已經分好一份！好佩服！」Aimee又上載一張全家福，Moses就說希望迎合節日氣氛：「有責任將習俗傳落去。」
陳豪擔心武漢肺炎肆虐，教小朋友特別注意個人衛生。（梁碧玲攝）
談到武漢肺炎肆虐，陳豪表示一定會擔心： 「始終小朋友咁細個都會比較敏感同緊張，聽到話停課其實係安心嘅；今年本來有好多拜年，而家除咗少人嘅家庭宴會，公眾啲嘅場合都好少去。」Moses提到小孩子原本不太肯戴口罩：「我已經不斷解釋畀小朋友聽細菌會令身體唔舒服，畀佢哋知道衛生常識，二仔而家好清楚知道食飯前要洗手、唔好成日捽眼。」