由朱晨麗（朱朱）同何廣沛（Matthew）主演的TVB民初劇集《大醬園》正在熱播，兩人在劇中由歡喜冤家變成夫妻，無論戲裏戲外都默契十足。其實朱朱同Matthew早在2017年合作拍攝劇集《超時空男臣》時被傳撻着，雖然緋聞傳足近三年，但他們一直未有承認戀情。不過兩人毫不避嫌經常在網上放閃，似乎戀情逐漸浮面，以下同大家回顧一下朱朱同Matthew的緋聞情路吧！
朱朱同Matthew在2017年合作拍攝劇集《超時空男臣》，兩人分別飾演二小姐同小冬。（電視截圖） 在劇中二小姐是一位野蠻女友，要小冬叫她做「BB」。（電視截圖） 兩人首次合作火花十足，一個霸氣，一個溫柔，開工時朝夕相對，加上有多場親熱戲，被指戲假情真，傳出緋聞。（YouTube影片截圖） 在七夕情人節，Matthew Post出多張同朱朱的合照，寫道：「七夕情人節快樂，小冬在明朝很掛念BB，牛郎織女每年相遇一次，唔知我地幾時有機會穿越去同一個時空同相見呢？」隔空放閃！（IG@matthew_hkp） 在Matthew 29歲生日，朱朱在IG送上一張咀相合照祝福他。（IG@matthew_hkp） 2017年10月他們被影到在科大疑似拍拖兼互餵蛋糕，表現親暱，不過他們例牌否認戀情，只用「好朋友」來稱呼對方。（IG@matthew_hkp） 朱朱更憑《超時空男臣》在台慶頒獎禮上奪得「最佳女配角」，當時Matthew已在台上送花兼攬攬朱朱祝賀，大晒恩愛！（電視截圖） 朱朱在接受訪問時表示：「佢之後同我講啲花係喺人地手中搶返嚟送畀我，我覺得OK喎，都有少少急才，都幾Sweet。」（IG@matthew_hkp） 之後兩人經常以「情侶檔」出席活動，齊齊接Job搵真銀。Matthew更當場抱起朱朱，事後朱朱亦有在微博Post相留言：「果然年輕力壯，還突然這麼Man，真叫人難以自拔，這樣讓二小姐如何放棄？！」言語之間甜蜜滿瀉。（微博@Rebecca朱晨麗） TVB其後更安排他們再度合作，在去年拍攝劇集《大醬園》，劇中更飾演夫妻，奉旨談情對足四個月，令兩人感情再度升溫。（劇照） 在拍攝期間，兩人經常在網上放閃，在5月初先後將對方打格的片段上載到IG，隔空打情罵俏。（IG@rebecca_zhu） 之後朱朱趁着「520」，在IG Post出一張面容瘀傷的合照，並寫道：「聽講打者愛也，愛者打多幾下......你落手真係重啊。」向Matthew詐嬌。（IG@rebecca_zhu） 8月兩人被影到蜜遊泰國，雖然朱朱其後表示今次是成班朋友一起去泰國旅行，慶祝Matthew生日，並與Matthew口徑一致指對方是了解中的朋友。（IG@rebecca_zhu） 但在Matthew 31歲生日時，朱朱在微博Post出一張兩人的拜堂照，寫道：「今天是 @Matthew何廣沛的大日子，記性再差也要記得。祝你生日快樂、身體健康、開開心心、越飛越高。」（微博@rebecca朱晨麗） 雖然兩人堅持否認戀情，但Matthew多次被影到上朱朱的將軍澳寓所短聚。（IG@rebecca_zhu） 去年12月Matthew同朱朱出發去杜拜拍攝旅遊節目《3日2夜》，當時Matthew表示很擔心因為擔任《溫哥華華裔小姐競選》表演嘉賓而耽誤行程：「馬不停蹄飛返嚟，仲要遇上Delay，幾驚因為Delay趕唔切呢個《3日2夜》嘅杜拜之旅，我喺飛機上面心情好忐忑，我驚同唔到你（朱晨麗）合作係一個遺憾。」（YouTube影片截圖） 12月2日是朱朱32歲生日，不過因為Matthew身在溫哥華未能與她慶祝，但他就趁住杜拜之旅為對方補祝生日，相當有心！（IG@rebecca_zhu） 今年年初，兩人孖住出席台慶頒獎禮，大方放閃。（資料圖片） 朱朱同Matthew在《大醬園》中有一場出浴戲，Matthew在接受訪問時表示：「今次嘅戲份對比上一次《超時空男臣》更加多，場口亦都更加多。四個幾五個月嚟基本上日日都見，朝見口晚見面，所以默契係有增無減嘅。」（劇照） 而講到劇中最難忘的戲份，Matthew就透露是拜堂成親的那場戲：「上次《超時空男臣》小冬同二小姐無疾而終，今次起碼可以開花結果，可以成親拜堂，圓咗一個夢。」（劇照） 朱朱更在IG Post相表示：「呢一刻係人生中最浪漫最迷人最神聖嘅一刻！」（IG@rebecca_zhu） 劇中Matthew在醬園中向朱朱求婚，朱朱在接受《娛樂新聞台》訪問時就表示如果求婚對象是Matthew會特別Sweet，更即場預演了向Matthew求婚，兩人戲內戲外都相當甜蜜！（劇照） 今年情人節，Matthew在IG Post出一張同朱朱身處向日葵花海中的合照，寫道：「楓滿祝大家情人節快樂」，並Hashtag「希望楓少快D番黎啦」、「此圖為情人眼裏出西施」、「周圍既（嘅）葵花再靚都唔及得你靚」。相中Matthew情深款款地望着朱朱，眼神充滿愛意！（IG@matthew_hkp） 而朱朱都有Post出一張大擺心心手勢的照片，不少網友都大讚兩人非常合襯，並祝福他們甜甜蜜蜜！（IG@rebecca_zhu） 今日（20日）朱朱再上載了幾張相，寫道：「當你擺低本劇本嘅時候先發現有人偷影緊你～～好耐......！」原來是Matthew偷影朱朱，果然時時刻刻都關注住對方！（IG@rebecca_zhu） 而Matthew同朱朱合作拍攝的《3日2夜》杜拜篇將會在周六正式播出，Matthew在IG分享預告片，並寫道：「《三日兩夜》睇盡放閃時刻。」片中Matthew說道：「你見唔見到我整咗個心心出嚟啊？」朱朱就答道：「我覺得成件事好浪漫。」（影片截圖） 雖然朱朱同Matthew緋聞傳足近3年，一直以好朋友相稱，但兩人經常在網上隔空放閃，外界早已視他們為一對！（影片截圖）