吳尊被指迫太太剖腹生產 工作室急發聲明回應

撰文:洪曉璇
出版:更新:

吳尊同老婆婚後育有一子一女,相當幸福,不過最近是非不斷,除咗自揭早喺飛輪海出道前已結婚,踢爆以前話09年結婚嘅大話外,呢日又有網友話吳尊為咗同囡囡NeiNei同日生日,迫太太提前剖腹生產搞到大出血﹗呢日吳尊工作室終於發聲明回應。

吳尊家庭美滿。(微博:@吳尊)
有網友指吳尊為咗同囡囡同日生日,逼太太開刀生bb。(微博:@兔兔吃瓜bot)

有網友於微博留言指自己以前都係吳尊粉絲,但睇唔過眼佢04年結婚,但05年仲隱瞞已婚身份加入飛輪海出道,仲話:「安排老婆生孩子要在自己和她的生日生,他老婆兩次剖腹產,一次在病床上大出血。上次我看到剖腹產湊生日這種操作,還是洗米華的正官和小三爭寵。」傳言一出馬上喺微博瘋傳,唔少人大鬧吳尊過份。

有網友搵出吳尊喺節目上分享太太生產出血。(微博:@唐蜜蜜桃花)

吳尊工作室喺3月7日晚發聲明,稱:「近日各大網絡平台出現部分關於吳尊要求妻子於特定日期生產、吳尊要求妻子提前進行剖宮產、吳尊妻子曾遇生產危險等均為不實言論……吳尊夫婦在生活中一直互敬互愛,吳尊夫婦的孩子都是在他們的細心照料下足月健康出生。工作室強烈譴責造謠者,並希望發佈者即刻停止造謠傳謠行為並刪除一切相關內容。」

吳尊工作室發表聲明。(微博:@吳尊資訊站)
+5