【新冠肺炎】陳庭欣男友健身室須關閉14日　停業兼全面消毒

香港政府宣布，新冠肺炎（俗稱：武漢肺炎）疫情影響下為免人群聚集，3月28日傍晚六時起，戲院、派對房間及健身室等娛樂場所須要全部關閉，禁令維持14日。陳庭欣（Toby）男友Benny除咗係彩豐行老闆亦有開設健身室，都受相關措施所影響。

Toby一向出心出力為男友健身室做生招牌，除咗不時分享自己做gym嘅相同片段，亦不時拉攏藝人朋友幫襯甚至教班，好似陳婉衡早前都有開班教授。呢次禁令下健身室已經安排停業並進行全面消毒，Toby回覆傳媒查詢時指停業都無辦法，之前做gym都有好多客人戴住口罩，希望大家好快捱過呢關。