【無綫未接洽】胡諾言下年約滿 捱足16年：唔希望嘥時間
撰文：林通賢
出版：更新：
胡諾言有兩個女兒胡芷苓、胡芷悠，兒子下年亦出世，胡爸爸負擔認真不輕。
近年不少無綫小生花旦離巢北上掘金，造就很多機會給二三線上位，不過機會暫時未落到在無綫16年的胡諾言(胡仔)身上。胡仔是親生仔(經理人合約)，可惜代遇不似預期，雖然算劇接劇，但搶眼角色仍未有。胡仔下年中將會約滿無綫，而第三個小朋友亦快將出世，老婆又全力照顧小朋友，一家大細全靠他，壓力當然大。
但39歲的胡仔最想要的不是錢，反而是演出機會，他說：「我做嘢唔係講錢，我著重工作機會，因為擔子就開始重喇，咁就想多啲工作層面做到，尤其是劇集想拍多少少，唔希望喺到嘥啲時間，想做啲自己想做嘅嘢，可能我之前嘅劇集都係行行企企，各樣群戲我都做過喇，唔想再焗限囉。」
李施嬅、陳山聰、胡定欣、袁偉豪等都是胡仔的好友兼是跑步戰友。
眼見好友袁偉豪、陳山聰、胡定欣都在電視台有一定位置，但胡仔還在等機會，他坦言以前會想太多，但現在只專心工作，他說：「年少嗰陣都會諗嘅，點解人哋機會多過自己？依家就冇喇，佢哋（袁偉豪、陳山聰）付出咗好多㗎，我替佢哋高興，反而自己諗是否裝備未夠呢？邊方面再做好啲呢？可能係我個人太正經？個人放鬆會唔會發展好啲？但我唔會後悔，我個人就係咁，剩係識做，其他事都唔識，始終做演員好被動，做好自己，演好角色先係最重要。」
胡諾言同太太陳琪形象健康，令他們有不少家庭品牌的商演。（Ig圖片）
合約快滿，但無綫還未找胡諾言洽談，反而不少國內製作公司已向胡仔「摸底」，他說:「可能都返過國內工作啦，有時約出嚟食飯都輕輕問下我去向，但我覺得無綫係我首選，雖然佢哋未call我傾約，不過無TVB又點會有我？TVB都俾好多機會我，又識到我太太，跟住有個好家庭。當然知道大陸揾錢多，但講緊係紅星，我只不過係一個演員，都唔知去到咩價位，同埋香港工作係比較習慣，又可以陪到家人。」