陳明憙首度獻熒幕初吻：對我好大挑戰

一直喜歡藝術創作的Jocelyn陳明憙，早前與一班志同道合的朋友，一起參與第7屆《微電影「創＋作」支援計劃（音樂篇）》，明憙除擔任微電影女主角，更為電影度身訂造全新歌曲《再再見》，一手包辦曲、詞及主唱。

明憙覺得男主角李匡翹好gentleman。

第一次拍微電影，便獻出熒幕初吻，明憙坦言，最難搞實情是求婚戲份。「劇本講男主角同成班朋友夾埋激嬲我，之後突然出現跪地求婚，女主角要由好嬲變好冧，情緒變化比較複雜，加上現實生活自己未試過被求婚，我只係擔心做得唔夠好，加上導演講到明場kiss戲只會拍兩個take，其實係壓力多於尷尬，反而男主角李匡翹佢好gentleman，問我需唔需要借位拍。雖然今次拍攝只有短短三日時間，不過都好難忘，因為我角色有少少奸，為咗自己鍾意嘅男仔，不擇手段，對我嚟講好大挑戰！」

微電影現正接受網上投票，角逐最受歡迎微電影、最佳男、女主角等獎項。