【早霸王】加油呢個詞係點嚟？ 森美解釋原來出自清朝地方官德政
撰文：鄺鈺瑩
出版：更新：
大家不時都會用「加油」去打氣，但又知唔知到底呢個詞嘅出處呢？
由森美、小儀同Marco主持嘅《早霸王》，每日都有唔同嘅環節，當中除咗大家都好熟悉嘅「你知道唔知道有掛住你」之外，其實仲有「識貨之人」、「答案之歌」。喺今日節目中，就有人提出「加油呢個詞係點嚟㗎？」森美認為係由外國add oil而來，小儀認為同食有關，甚至有傳係源自清華大學飯堂啲飯菜唔夠油，真係眾說紛紜，個個都似層層。結果原來係同清朝地方官嘅德政有關。
張瑛第四個兒子張之洞係晚清時期嘅四大中興名臣之一。
森美就引述話，清朝時代，相傳身為官員嘅張瑛(張之洞之父)最為重視教育事業，並深知民間疾若，於是每到午夜交更時分，佢都會安排兩個差役拎住油桶去巡城，只要見到有邊戶人家有燈光同讀書聲，差役就會停下來大叫「知府大人為相公加油」，並為對方添一勺燈油，並加多句「知府大人祝相公讀書用功，獲取功名」，就係咁，張瑛呢個「加油」行動堅持咗13年，而佢所在嘅安徽桐城更培養出一批人才同20多個舉人。