【打天下】太入戲徒手為談善言抹鼻涕 王頌茵:下意識做咗都唔知

撰文:游大東
出版:更新:
「Kathy仔」今次在劇中飾演「阿談」的閨密「善善」,是她入行兩年以來,拍劇戲份最重的一次(陳順禎攝)

由「棠哥」歐錦棠首度身兼監製、動作總指導和主演的ViuTV新劇《打天下》,將於4月13日晚上九時半首播。幾位主要演員,包括「棠哥」、文頌嫻、「阿談」談善言、Anson Kong@MIRROR(江𤒹生)、張建聲,以及「Kathy仔」王頌茵日前都有出席發布會,為新劇造勢。

「Kathy仔」今次在劇中飾演「阿談」的閨密「善善」,是她入行兩年以來,拍劇戲份最重的一次,她笑言當初知道有份演出《打天下》,還以為會很輕鬆,因為不用拍攝武打場面,豈料加入劇組後才知道是另一回事。「點知去到後期,先知道我個角色要被人打被人糟質!」

幾位主要演員,包括「棠哥」、文頌嫻、「阿談」談善言、Anson Kong@MIRROR(江𤒹生)、張建聲、「Kathy仔」王頌茵,以及導演高林豹日前都有出席發布會,為新劇造勢。(陳順禎攝)

飾演談善言閨密 親手代對方抹走鼻涕

何解那麼「陰功豬」?「Kathy仔」坦言跟「阿談」飾演的好姊妹角色莊惠有關。「劇入面,善善係莊惠嘅閨密,事無大小都要睇住佢,就好似保姆咁,所以嘢都係為佢而做,於是惹到一啲麻煩。」未入劇組之前,「Kathy仔」跟「阿談」並不認識,「Kathy仔」決定使出影相這一招,又不斷跟對方聊天,拉近彼此關係,加強默契。

「我要融入個角色,就不停影佢相,影影下,我發覺自己真係愛上咗佢。譬如有次『阿談』真係打傷咗,當佢化緊妝嘅時候,我走去幫佢捽藥酒,同埋仲有一場戲,係講莊惠會喊,佢喊到半路,啲鼻涕喺度瀡來瀡去,我又冇紙巾喺手,就一隻手咁抹過去,直頭係下意識做咗,自己都唔知。」記者好奇她口中的那種「愛」,是友情還是愛情,「Kathy仔」起初大賣關子,「咁樣劇透唔得㗎喎!」

在《打天下》裏,談善言飾演的莊惠是「善善」的閨密,本身亦是備戰東京奧運的空手道運動員。(陳順禎攝)

感謝「棠哥」與導演肯教 拍完《打天下》信心大增

入行以來,「Kathy仔」演出機會不算多,僅在《做演藝嘅!》、《娛樂風雲》、《黑市》裏飾演配角,今勻在《打天下》戲份則較多,「Kathy仔」承認,監製「棠哥」與導演高林豹要求相當嚴格,令她頗有衝擊,「我始終係新人,信心都唔大,但『棠哥』同導演都好肯去教我,就算佢哋鬧我,都係教緊我嘢。」

她舉例,比如在鏡頭前如何走位、情緒拿揑等等,都要準確,「走位要行得、企得好準,如果唔係就會Out focus(對焦不準確),又好似情緒掌握方面,一去就真係要去到嗰個位,Over咗又唔得,呢啲嘢都令我覺得,我仲有好多嘢要再學。」「Kathy仔」又說,拍罷《打天下》讓她信心大增,冀將來更加嘗試演繹更多角色。

點擊下列圖輯欣賞「Kathy仔」靚相:

+16