【是敢的】黑仔姜皓文憶述入行經過 笑言:唔係為演戲而係為耍帥

撰文:洪曉璇
出版:更新:

姜皓文(黑仔)近年喺影圈甚為吃香,基乎八成港產片都見到佢嘅身影。入行32年、出身自亞視電視先生嘅黑仔,呢日接受梁梓禧(Roland,舊名:梁奕倫)主持嘅節目《是敢的》訪問時,憶述入行經過,笑言自己唔係為演戲而係因為耍帥:「80年代有劉德華有梁朝偉,邊需要有電視先生?亞視俾我嘅感覺比較簡單,一定係打工心態,只想賺錢亦唔使研究演技。」

姜皓文近年成為頒獎禮常客,今年再度入圍角逐金像獎最佳男配角。(IG:@black_gorgor)

當年好多人話黑仔無演技,佢亦不諱言到後期先覺悟:「後期開了一套劇叫《屋企有個肥大佬》,Ken哥(鄭則仕)同我講唔好再吊兒郎當、要上位,佢搵我去做佢細佬,開始會入廠睇人點演。」佢坦言當年安於現狀,如果唔係亞視倒閉都唔會離開;直至王晶搵佢拍電影,卻為佢迎來事業第二春。

當年好多人話黑仔無演技,佢亦不諱言到後期先覺悟:「後期開了一套劇叫《屋企有個肥大佬》,Ken哥(鄭則仕)同我講唔好再吊兒郎當、要上位,佢搵我去做佢細佬,開始會入廠睇人點演。」佢坦言當年安於現狀,如果唔係亞視倒閉都唔會離開;直至王晶搵佢拍電影,卻為佢迎來事業第二春。

黑仔笑指自己入行唔係為演戲,而係為咗耍帥。(IG:@black_gorgor)

《香港電影我撐場民選大獎2020》全民一人一票,用行動撐本土!
https://hkmovies2020.hk01.com
旗艦智能手錶 Series 5、Dyson風筒等豐富獎品等你贏!

從影多年終於喺電影《證人》搵到演戲樂趣:「林超賢導演會同我喺寫字樓關上房門,話我知做一個甚麼角色,我開始了解電影先發現之前有好多錯,睜眉弄眼嗰啲都做錯,開始有雄心。」《翠絲》成為黑仔其中一部代表作,佢就話一切都要感謝老闆古天樂:「老闆收到劇本後,問我有無把握去做《翠絲》,嗰時仲未有電影名。老闆有好多嘢想我去做、幫我安排很多,然後老闆話算啦你去做女人啦!我話做甚麼女人?佢話做變性人,就有咗呢個故事。」

+9