人夫黎振燁被爆背住8個月大肚妻，同朱智賢喺車廂密會、食蛋糕。事件曝光後，二人即時將IG轉為私人帳戶，行為相當可疑。

黎振燁曾參演《愛．回家之開心速遞》﹑《再創世紀》﹑《是咁的，法官閣下》和現正播映的《機場特警》等劇，有網民即時搵出一張佢同前無綫藝員李潤庭嘅合照，並指二人儼如失散兄弟一樣。事有湊巧，李潤庭亦曾被爆背妻偷食，與有夫之婦Tiffany頻頻幽會。喺無綫安排嘅記者會上，李潤庭鞠躬道歉，但好快就被發現仍跟Tiffany保持密會，即時遭無綫解僱。