【新冠肺炎】梁詠琪化身「廚媽」 為煮三餐大為頭痛:今晚食乜餸

撰文:吳子生
出版:更新:

梁詠琪(GiGi)今日(22/5)現身電台為新專輯「PRELUDIO」宣傳造勢。GiGi 透露新唱片封套採用紙藝技術設計,非常精緻富有立體感,猶如精品值得收藏,「我手揸住呢個係實體唱片,喺線上已經接受緊預購,銷量反應好好,因為呢個精品係限量幾千套,要到6月初就會有貨,講真宜家實體唱片唔係好多人會出,為答謝歌迷,我同唱片公司溝通過,不計成本去做呢隻唱片回饋歌迷嘅支持。」

GiGi最新專輯「PRELUDIO」線上經已預售。(葉志明攝)

在疫情期間,最令GiGi大為頭痛竟然係諗每日諗煮乜餸:「因為疫情問題,又唔可以出街食飯,變相多咗喺屋企煮飯,發覺最棘手原來要諗今晚食乜餸好,因為成個月都要喺屋企煮,當煮得多同一款菜式時,自己都想變化下,咁所以一日三都唔容易,當然煮藝又會突飛猛進啦,練到一手好廚藝啦!」

疫情期間,最令GiGi大為頭痛,竟然係諗每日煮乜餸。(葉志明攝)